النخبه

بسـم الله الرحمـن الرحيـم

 بما أني شخص عزابي وبعيد عن ديرة أهلي .. أغلب أوقاتي أكون خارج الشقة بالذهاب إلى الحدائق “العزابية” وليست العائليـة ..

 المهم بما في الأمر .. اجد كثير من الشباب اللي يلعب كورة … واللي ماسكـة معاه طرب وتشوفه باخر الحديقة معاه “عود” والثاني معاه طبـله الله الله بالأغاني الشعبيـة والبعض يتمشى تخفيف للوزن (مثلي يعني).

 ودائما ً ألاحظ شباب يعملون أشياء تخليك تنقهر وتعصب وودك إذا شفته تعطيه الكثير والكثير من اللكمات.. لأنه فعلا ً شئ لايستهان به ولكن لاحياة لمن تنادي..

أكيد الآن تقولون وش هالشئ ياهلال ؟

بقول لكم أثناء الجولة وتخفيف الوزن في المسطحات الخضراء وسمها ماشئت .. الاحظ بعض من الشباب يأتون بالشيشة .. وأدوات الطبخ .. وهذه الأدوات تحتاج إلى نار ..ليعدل مزاجه بالشيشـة .. وبعدها يطبخ .. الحاصل في الامر أن البعض منهم لا يأتي بأسطوانة غاز ويفك هالناس من شررررة !!

ولكن جزاهم الله خير يجيبون ( فحم وحطب) هالشباب هؤلاء لايفكرون بخطورة هذا العمل .. ولنفرض مثلاً انهم نسوا يطفون النار شئ طبيعي بتشوف هالمسطحات الخضراء .. أصحبت سوداااء .. 

وأنا لا أوجه اللوم على الشباب بل أوجهة إلى الأمانه المسؤوله عن هالمساحات الخضراء لانهم لم يضعوا لافتات تحظر وتوضح خطورة هذا العمل .. لأن الشباب ينقصهم بعض الوعي.

وياما أرسلنا وأرسلنا للأمانة ولكن لاحياة لمن تنادي .